Eguneko zentroa

Helburua:

Eguneko zentroak, gizarteak eskaintzen duen baliabide bat da, programa jakin batzuekin, eguneroko bizitzako jarduerak egiteko beste batzuen laguntza beharra dutenei zuzendutako zerbitzua da.

Saiaz Mankomunitatean bi eguneko zentro ditugu, Bidania-Goiatz eta Errezilgoa.

Gure eguneko zentroek azpimarratzeko duten berezitasunak:

Ordutegien malgutasuna : Ezaugarri garrantzitsu bat da adinekoen beharrei erantzuteko.

Errehabilitazio fisiko eta psikologikoa: Bi zentroetan laguntza tekniko eta errehabilitaziorako zenbait aparatu daude.

Adineko pertsonen parte hartze eta sozializazioa: Adineko askok bakardade eta isolamendu arazoak dauzkate eta arazo honi aurre egiteko asteko egun jakin batzuetan bi zentroetako onuradunak elkarrekin eguna pasatzen dute Bidania-Goiatz edo Errezilen. Kalera irtetean herritarrekin harremanak sendotzen dira.

Garraio propioa: Eguneko zentroetako garraioa egin ahal izateko Saiaz Mankomunitateak bereziki landa inguru honetara egokitutako furgoneta erosi zuen 2017. Urtean.